خوشحال زندگی کا فارمولہ

یورپین انوسٹمنٹ بینک کے نائب صدر اور فن لینڈ کے سابق وزیر اعظم مسٹر الیگزینڈر سٹب خوش حال زندگی کا فارمولہ بیان کرتے ہیں ان کا فارمولہ ہے 8+8+8۔ پہلے 8 کا مطلب ہے کہ انسان کو آٹھ گھنٹے سونا چاہئے۔ تاکہ وہ اپنی پیداواری صلاحیت اور کارکردگی کا بہتر مظاہرہ کر سکے اور اسکے جسم کو ضروری آرام نصیب ہو سکے۔ 

دوسرے 8 کا مطلب ہے کہ صرف آٹھ گھنٹے کام کرنا چاہئے۔ کیونکہ کام جس قدر بھی ہو اسے اوقات کی تنظیم وترتیب سے پائے تکمیل تک پہنچایا جا سکتا ہے۔

تیسرے 8 کا مطلب ہے کہ ان اوقات میں کھیل کود، بچوں کے ساتھ تفریحات، فیملی کے ساتھ گزراوقات، سماجی روابط کو جگہ دینی چاہئے اور اس طرح ایک پرلطف زندگی کا حظ اْٹھایا جا سکتا ہے.

ان کا دوسرا فارمولہ ہے 1+1+1 پہلے 1 کا مطلب ہے کہ انسان اپنی صحت کو روز انہ ایک گھنٹہ دے، اس ایک گھنٹہ میں وہ ورزش کرے، پیدل چلے، دوڑے بھاگے فٹبال کھیلے یا کوئی بھی دوسری جسمانی ورزش کرے۔ 

دوسرے 1 کا مطلب ہے روز انہ ایک گھنٹہ مطالعہ کرے۔ ابتداء میں اس عمل میں دشواری محسوس ہوتی ہے لیکن چار ماہ کی پابندی کے بعد انسان کو وہ خوشی حاصل ہونے لگتی جسے الفاظ بیان نہیں کر سکتے کیونکہ مختلف کتابیں انسان کو ایک ایسی دنیا میں لے جاتی ہیں جہاں بہت سکون اور مسرت نصیب ہوتی ہے۔

تیسرا 1 جو کہ ان تینوں میں سب سے زیادہ مشکل ہے۔ اس کا مطلب ہے کہ سوشل میڈیا پر صرف ایک گھنٹہ صرف کیا جائے اگرچہ اسکی اسکرین کتنی ہی لبھاؤنی اور طویل وقت گزاری پر آمادہ کیوں نہ کرتی ہو اسکے باوجود بھی اسکی گنجائش نہیں چھوڑنی چاہئے۔ اگر ان دونوں فارمولوں پر عمل کر لیا جائے تو ایک خوش حال زندگی کی ضمانت دی جا سکتی ہے۔ 

محمد شاہد خان

 

Visit Dar-us-Salam Publications
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.