دل کی بیماریوں سے تحفظ کے چند طریقے

امراض قلب دنیا بھر میں اموات کی سب سے بڑی وجوہات میں سے ایک ہے۔ لیکن کیا آپ جانتے ہیں کہ آپ صحت مند طرز زندگی اختیار کر کے اپنے دل کو تحفظ فراہم کر سکتے ہیں؟ یہاں ایسے ہی 3 سادہ طریقے دیئے جارہے ہیں جو آپ کے لیے دل کے امراض کا خطرہ کم کر دیں گے۔

ورزش
کوشش کریں کہ روزانہ کم از کم 30 منٹ تک ورزش کو معمول بنائیں جس سے امراض قلب کا خطرہ کم ہو جائے گا، اگر آپ کے پاس جم جانے کیلئے وقت نہیں تو آپ اس صحت مند آپشن کو چہل قدمی یا سیڑھیاں اتر چڑھ کر بھی اپنا سکتے ہیں۔
جسمانی سرگرمیاں وزن کے لیے بھی فائدہ مند ثابت ہوتی ہیں اور آپ کے اندر بلڈ پریشر، ہائی کولیسٹرول اور ذیابیطس کا خطرہ بھی کم ہو جاتا ہے۔

اچھی خوراک
اپنی خوراک میں چربی کی مقدار کم کر کے فائبر کی مقدار کو بڑھائیں، اسی طرح پروٹین سے بھرپور اشیاء مچھلی، مرغی، بیج اور نٹس وغیرہ اپنی غذا کا حصہ بنائیں۔ تازہ پھلوں اور سبزیوں کا بہت زیادہ استعمال بھی دل کو صحت مند بناتے ہیں، جبکہ اس سے ذیابیطس اور کینسر کا خطرہ بھی کم ہو سکتا ہے، جبکہ کوشش کریں کہ اپنی غذا میں ٹرانس فیٹ کا استعمال کم سے کم کریں۔

تمباکو نوشی سے گریز
تمباکو ایسی چیز ہے جس سے گریز کر کے دنیا بھر میں اموات کی شرح کو کافی کم کیا جاسکتا ہے، سیگریٹ یا تمباکو کا کسی بھی شکل میں استعمال امراض قلب کا خطرہ بہت زیادہ بڑھا دیتا ہے۔ تو اگر آپ خود کو امراض قلب کے خطرے سے بچانا چاہتے ہیں تو آپ تمباکو نوشی سے گریز کریں کیونکہ کسی بھی مقدار میں تمباکو دل کے لیے تباہ کن ثابت ہو سکتا ہے۔

Visit Dar-us-Salam Publications
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.